Equipo IGATA

Todo o que fixemos en IGATA durante 2020

¡Compártelo!

repaso equipo IGATA

Queremos iniciar este 2021 tal e como pechamos o 2020 durante o evento «Se puede sacar algo positivo del 2020. Cuatro ejemplos que demuestran que sí», cun sorriso e unha nota positiva. 

Non vou negar que o 2020 foi un ano malo, o peor en décadas para moitos, pero tamén é posible ser optimista. No Instituto Galego do Talento queremos repasar contigo todo o que fixemos durante o pasado ano: webinars, cambio da imaxe corporativa, colaboracións con institucións e un longo etcétera. Acompáñanos durante este repaso 🙂 

Webinars

Durante o mes de abril celebramos diferentes webinars co obxectivo de seguir formándonos e non perder o contacto coa nosa comunidade e colaboradores. Todos eles trataron sobre temas de actualidade como:

  • Claves sobre ciberseguridade en tempos de coronavirus. Antonio Fernandes, CISO dunha gran industria no noroeste de España e Pilar Vila, CEO e cofundadora de Forensic & Security e Developers Forensics Tools, ofrecéronnos recomendacións e a súa visión en materia de Ciberseguridade, webinar moi útil se teletraballas e tamén no teu día a día como usuario.
  • Dereitos laborais de traballadores e empresas en tempos de coronavirus. O día 5 de abril, Eduardo Armas González, Letrado da Tesourería Xeral da Seguridade Social e Profesor universitario de dereito laboral na Universidade CEU Abat Oliba resolveu todas as nosas dúbidas en materia laboral.
  • Tips de comunicación para chegar ao Día +1. O día 9 de abril preparamos un webinar con Luisa Rodríguez, Directora Rexional en Atrevia, onde repasamos as principais tendencias no ámbito da comunicación e o marketing para ver como podemos aplicalas nos nosos negocios.
  • O teletraballo a debate. Conversamos de recursos humanos, de conciliación, xestión de equipos e teletraballo con Cristina Parrado, Lucía Solla e Antía Blanco.
  • Xestión de equipos en remoto. O último dos webinars que celebramos foi sobre xestión de equipos con responsables de diferentes empresas, Pablo González dende Hack a Boss, Lucía González de dinahosting e Adrián Fernández de Mondelez. 

Queres recibir as nosas publicacións?

Renovación da imaxe corporativa

En setembro renovamos a nosa imaxe corporativa por un logotipo máis fresco, chamativo e en diálogo cos novos tempos. Nesta postaxe contabámosche todo o proceso e historia de IGATA (que nos facedes moitas preguntas). Tamén renovamos a nosa web, un espazo de diálogo e conversa cos nosos lectores e membros da comunidade. 

Tamén en diferentes entradas puideches ir coñecendo a cada un dos membros do Instituto Galego do Talento en pouquiñas palabras e nunha entrevista máis informal. En poucas semanas terás máis presentacións de novo. 

Estamos en continuo proceso de mellora, así que encantados de que nos poidas dar o teu feedback e valoración 🙂

Colaboracións

Desde hai pouco máis dun mes dende IGATA comezamos a colaborar con Quincemil, onde temos unha sección sobre talento, O noso obxectivo está claro, visibilizar e poñer en valor todo o bo que acontece na terra. Así que te esperamos cos brazos abertos e se coñeces historias que merecen ser visibilizadas, podes escribirnos nos comentarios. 

Establecemos unha colaboración con Talento para el Futuro, unha plataforma que pretende impulsar a voz novos mediante a construción de pontes de diálogo con líderes e institucións, fomentando a súa participación nos asuntos públicos. Conta co apoio de máis de 15 organizacións, e xa se uniron máis de 1000 mozos. Aquí podes ler a entrevista que lle fixemos a Fernando Carruesco, o seu presidente. 

Tamén colaboramos con Cruz Roja no Reto Social Empresarial, un programa que entende o emprego como un reto pero tamén como a mellor oportunidade que teñen miles de persoas en dificultade para integrarse plenamente na sociedade. Para axudar a lograr este reto, participamos nunhas sesións orientativas con Antía Blanco e Adrián Fernández, especialistas en RRHH e Leticía Río, profesional do mundo da comunicación. Deixámosche este post con máis detalles da colaboración con Cruz Roja.  

Meses despois voltamos colaborar con Cruz Roja no proxecto Talento Interxeracional. O obxectivo é poñer en valor a diversidade como oportunidade para aproveitar o talento profesional. Todas as persoas teñen grandes capacidades e habilidades que poden enriquecer calquera actividade, independentemente da súa idade. Adiante post da colaboración

Visibilización do talento galego

Tamén durante estes meses quixemos visibilizar o talento galego a través de entrevistas cos seus protagonistas. Estas só son unha pequena escolma, no noso blog podes ver moitas máis:

Entrevista a Putamen, Tamara Pazos
Sara Fernández, Nortecreando

Redes sociais

Durante os últimos meses do ano intensificamos a nosa comunicación a través das nosas canles sociais, e graciñas ao voso apoio, logramos varios fitos que nos fan moita ilusión. 

Multiplicamos por tres o número dos nosos seguidores en Instagram e alcanzamos máis de 4600 seguidores en LinkedIn. Que ilusión nos fai escribirvos e saber que estades aí día tras día. Se non nos sigues esperámoste nas redes 🙂

Solidaridade e impulso do comercio local

Tamén fixemos sendas publicacións en decembro. Co gallo do Día Internacional do Voluntariado recollemos experiencias dos membros de IGATA como voluntarios ao longo dos últimos anos. O obxectivo non é outro que aportar valor a Galicia. 

E nestas datas máis que nunca queremos apoiar ao comercio local e que todos fagamos compras nesas tendas de barrio ou pequenos comercios online. No post tes 50 ideas de agasallos, que aínda quedan os Reis 🙂

mercar ou tegalar Nadal

Só vos desexamos moitos éxitos e talento para este 2021. No Instituto Galego do Talento avecíñanse moitas colaboracións, novos programas, eventos, entrevistas e formatos en redes sociais. Graciñas por estar aí. Unha aperta dende todo o equipo IGATA. 


¡Compártelo!

Deja una respuesta

Tu dirección de correo electrónico no será publicada. Los campos obligatorios están marcados con *

Información básica sobre protección de datos Ver más

  • Responsable El titular del sitio.
  • Finalidad  Moderar los comentarios. Responder las consultas.
  • Legitimación Tu consentimiento.
  • Destinatarios  .
  • Derechos Acceder, rectificar y suprimir los datos.